-- ADVERTISEMENT --
BUTUAN CITY – Gikalipay ni United States President Joe Biden ang pagbuhi na sa militanteng grupong Hamas sa mag-inahang Amerikano nga sila Judith Tia Raanan ug ang 17-anyos niining anak nga si Natali.
Ang mag-inahan nga taga-Chicago, mibisita laang sa ilang kabanay sa Kibbutz sa Southern Israel dihang mi-atake ang mga Hamas militants.
Paglabay sa duha ka emana, nagdesisyon ang Hamas nga buhian sila kondiin gidala sila sa border ug gitugyan ngadto sa mga sundalo sa Israel.
Sigon ni US Secretary of State Antony Blinken, gikalipay sa kagamhanan sa Estados Unidos ang pagbuhi sa duha sama sa gibati sa ilang mga kabanay ug higala.
Gipaniguro usab ni Blinken nga gihimo nila ang tanan nilang makaya, mabuhian lang ang maong mga bihag.
-- ADVERTISEMENT --
