BUTUAN CITY – Gikonsidera ni France Castro, kanhe representante sa Alliance of Concerned Teachers kon ACT Teachers Partylist nga wise move ang gihimo sa prosecution panel pag-withdraw sa pipila ka mga testigo sa article 4 sa impeachment case batuk kang Vice President Sara Duterte.
Sigon ni Castro, napagawas na ang tanang gusto sa mga prosecutors human napresenta ang duha ka testigo gikan sa National Bureau of Investigation kon NBI, ang pagtestigo unya ni Atty. Zuleika Lopez og uban pa, magsilbi na lang nga kolaborasyon rasong dili na kinahanglan.
Napamatud-an na matud pa nga dili na haom si Vice President Sara Duterte sa iyang posisyon tungod sa taras niini particular ang pagpanghulga ngadto nila Pangulong Ferdinand marcos jr, First Lady Liza Marcos og kanhi House Speaker Martin Romualdez.
Gawas pa kini sa kamatu-uran nga daw napul-an na ang tawong maminaw. Samtang sa umaabot nga martes usab ipresentar ang katapusang testigo sa article 4 nga si NBI Director Melvin Matibag diin maoy magpamatood matud pa sa killer nga gikontrata sa besi presidente. Atanganan matud pa kini tungod kay si Matibag ang magpalig-on sa nakab-ot na sa maong artikulo.
Samtang gidayag usab ni Castro nga dili na dapat himoon pa ang oral argument sa subpoena ngadto sa mga dokumento og bank records sa besi presidente tungod kay sa impeachment trial mao ang pagpangeta og kamatooran.
Sumala pa niini, nga dili na angayan pang debatihan ang pag-abli sa ngalan sa accountability og kamatooran.
