BUTUAN CITY – Aminado si Baan Km 3 Brgy. Kapitan ug Association of Barangay Captains kon ABC Butuan City Federation President Gemma Tabada nga dili ma-ato sa mga barangay officials ang pag-monitor sa ilang mga residenteng dili bakunado aron masigurong dili sila makagawas sa illang panimalay.
Sa eksklusibong pakighinabi sa Bombo Radyo Butuan, gipadayag ni Kapitan Tabada nga paningkamutan nilang mga barangay kapitan ning siyudad nga mahangyo ang tanan nilang mga residente nga magpakuna na batuk sa COVID-19 aron dili na mu-abot pa sa punto nga musanong na sila sa mando ni Pangulong Duterte.
Alayon niini, nanawagan siya sa tanang mga Butuanon nga magtinabangay ug sundon ang kamanduang ipakanaog sa nasudnong kagamhanan pinaagi sa pag-abag usab sa mga hingtungdang ahensya sa gobyerno.
