BUTUAN CITY- Nanawagan si Senator Robin Padilla sa iyang kaubanang senador nga hatagan og pagtagad ug suportahan ang iyang gipasaka nga proposed law o ang Senate Bill No. 372 kansa nagtumong nga amyendahan ang Juvenile Justice and Welfare Act kon Republic Act No. 9344 aron ubsan ngadto sa 15 ka tuig hangtud sa 10-anyos ang edad sa criminal responsibility alang sa mga menor de edad nga nalambigit sa makalilisang nga krimen o heinous crimes. Kini human ang mga natalang insidente sa krimen sa nasud nga gikalambigitan sa mga minor de edad, partikular na ang bag-ong nahitabo nga pagpamusil sa San Juan National High school sa Tacloban City kung asa 3 ang patay ug 5 ang angol ug ang mga suspek, estudyante.
Samtang sa pikas bahin giklaro usab ni Senator Padilla nga maayo ilang relasyon ni Senate President Sherwin Gatchalian, taliwa paman sa ilang managlahing baroganan sa pulitika. Sigon ni Padilla, wala silay personal nga problema sa Senate President ug lahi matud pa nga hisgutanan ang ilang kalainan sa mga panan-aw sa politika. Nagpasalamat usab ang senador sa lider sa Senado sa pagpakita niini og suporta sa ilang event nga gihimo sa Senate.
Gi-insistar usab ni Padilla nga si Senate President Sherwin Gatchalian ang mag preside sa impeachment trial ni Vice President Sara Duterte base sa nakalatid sa Konstitusyon. Dugang pa sa Senador, aduna matud pay pagkwestyon gikan sa hanay sa minorya kung ugaling adunay mga lakang nga pagtudlo og laeng presiding officer sa pagtaral kang Duterte.
