BUTUAN CITY- Gibulgar sa usa ka empleyado sa contractor sa SYMS Construction sa Sandiganbayan nga naghatud matud pa sila og labing-minus P299 million nga cash nga nakabutang matud pa sa grocery box sa opisina ni kanhi Department of Public Works and Highways (DPWH) Assistant District Engineer Brice Hernandez.
Gi-ila ang testigo nga si Monica Ocampo-Santos, usa ka liaison officer sa SYMS Construction, dinhi gipamatud-an niini nga ang maong kwarta alang matud pa sa lima ka government infrastructure projects nga nakuha sa kumpanya gamit ang lisensyang gipahuwam ni Hernandez sa ilaha.
Sigon usab ni Ocampo-Santos nga kabahin sa kantidad nga P299 million ang P74 million nga adunay kalabotan sa gi-ingong ghost projects nga nagkantidad og P92.8 million sa Pandi, Bulacan.
Gipakita usab niini sa korte ang mga mensahe sa iskedyul sa paghatud sa kwarta sa kanhi DPWH official. Sa susamang hearing, sigon usab ni Ocampo-Santos nga pipila ka opisyal sa DPWH lakip si Hernandez ug uban pang district engineers ang nahimong principal sponsors sa kasal niini, kansa hangyu usab matud pa sa iyang amo.
