BUTUAN CITY – Anaa na sa kostudiya sa Regional Drug Enforcement Unit kon RDEU-13 ang usa ka high value individual human nakuhaan og balor sa P2.3M nga supected shabu atol sa pag-raid sa iyang pinuy-anan sa City Montalban St., Purok 4, Brgy. Villa Kananga ning siyudad sa Butuan pasado alas-2:23 kaganinang kaadlawon.
Nakuha gikan sa posisyon ni Rey Flores Reponte, alyas ‘Iring’ 43-anyos, minyo ug usa ka mekaniko ang 350-gramos nga gibug-aton sa maong mga epektos nga gikan sa 3 ka dagkong sachets ug laing 11 ka regular sachets nga gibana-banang mikantidad og P2,380,000.00.
Nahimo ang malampusong operasyon human nakuha ang pattern sa iyang mga lakaw kondiin nasuta nga kada-semana, duha ka higayon kining mukuha og mga items nga iya ra usab ipang-dispose.
Nasayrang nadakpan na usab kaniadto si Reponte tungod sa susamang kaso kondiin iya nang naserbisyuhan ang gipahamtang kaniyang silot.
