BUTUAN CITY- Gipadayag sa Office of the Ombudsman nga target nilang ipasaka karung simana ang kasong plunder batok nila Senador Jinggoy Estrada kalabot sa anomalosong flood control projects.
Sumala ni Ombudsman Jesus Crispin Remulla, pirmahan niini ang information batok sa senador adiser isumite sa Sandiganbayan, nga gilaomang mapasa sa Huwebes. Gawas sa plunder, lakip usab ang ubang pang adunay kalabotan sa kaso.
Una nang girekomenda sa Department of Justice (DOJ) ang pagpasaka og plunder, graft, ug direct bribery charges batok nila Estrada ug pipila ka opisyal, lakip si kanhi Public Works Secretary Manuel Bonoan.
Pagklaro ni Remulla nga subling nalangay ang pagpasaka sa kaso tungod kinahanglan pa nilang plastraon ug klaruhon ang resolusyon aron mas mahimong lig-on ang ipasakang impormasyon.
DUgang pa sa Ombudsman, nga audna pay laeng nalambigit sa kaso apan ang ubang posibleng himuong state witnesses tungod importante matud pa ang ilang testimonya sa imbestigasyon.
Samtang, hugot usab nga gilimod ni Senador Jinggoy Estrada ang bisan unsang pagkalambigit niini sa iregularidad ug gi-insistar sa iyang kampo nga walay ebidensyang mag-lambigit niini sa gi-ingong kickbacks.
