BUTUAN CITY – Padayon karun ang gihimong imbestigasyon sa natigayong pagpamusil sa siyudad sa Butuan nga mikutlo sa kinabuhi sa usa ka olitawo.
Natigayon ang pagpamusil kaganinang ala1:30 sa buntag sa may T.Calo Ext. P-6 Brgy. Limaha, Butuan City.
Naila ang biktima nga si Kian Cinco, 23-anyos, olitawo og residente sa Villanueva Ext., Brgy. Tandang Sora, Butuan City.
Sa inisyal nga imbestigasyon sa kapulisan, nagbaktas alng ang biktima pauli sa ilang pinuy-anan sa dihang ang suspetsadong riding-in-tandem sakay sa single motor og kalit nga mihunong sa tungod sa biktima og gipusil ang biktima nga na-igo sa iyang ulo.
Daling gibitbit ang biktima ngadto sa Manuel J Santos Butuan City alang aron unta masalbar ang iyang kinabuhi apan way swerteng nakabsan ang biktima.
Padayon karun ang pagtumbok sa motibo sa maong kremin lakip na ang pag-ila sa mga suspetsado.
