BUTUAN CITY – Gipaniguro ni Pangulong Ferdinand Marcos Jr nga dunay igong supply sa lana ang nasud nga m u-abot pa og 52 ka mga adlaw nga gila-umang magmintina sa igong supply tungod sa padayong mga lakang nga gihimo sa nasudnong kagamhanan.
Sa iyang video message, gipadayag sa pangulo nga mi-order na ang Philippine National Oil Company-Exploration Corporation (PNOC-OC) og 1.04- milyunes bariles nga diesel kondiin 142-mil ka bariles na ang na-deliver samtang ang uban, gila-umang mu-abot pipila ka adlaw gikan karon.
Dugang sa pangulo, nagpagawas na ang Department of Budget and Management og 20-bilyunes pisos alang sa pagpalit og dugang 2-milyunes bariles nga lana kansa makadugang og napulo ka adlaw nga buffer stock sa nasud.
Una nang gibutyag sa pangulo nga igo na ang supply sa krudo sa Pilipinas hangtud Hunyo 30 ning tuiga.
Temporaryo usab nga gisuspende sa Energy Regulatory Commission kon ERC ang operasyon sa Wholesale Electricity Spot Market kon WESM sugod niadtong Marso 26 aron makontrola ang presyo sa kuryente ug malikayan ang kalit nga pagsaka niini samtang gi-una ang mas baratong energy sources sama sa renewable energy.
