BUTUAN CITY – Nagpalupad og ballistic missile ang North Korea padulong sa sidlakan karung adlawa, Domingo, Abril 19, 2026, sumala sa taho sa South Korea’s Joint Chiefs of Staff.
Kini ang unang missile launch sa Pyongyang sukad niadtong Abril 8 ug kabahin sa serye sa ilang mga pagsulay karong tuiga.
Wala pa’y gipagawas nga pamahayag ang South Korea’s Defense Ministry kabahin sa maong insidente.
Ang maong lakang giisip nga dugang presyur sa rehiyon taliwala sa padayon nga tensyon sa Korean Peninsula.
Ginakondena kini sa United Nations ug uban pang internasyonal nga organisasyon tungod sa hulga niini sa seguridad, samtang nagpabilin nga hagit ang isyu sa denuclearization ug kalinaw.
Ang pinakabag-ong missile launch nagpakita pag-usab sa agresibong baruganan sa North Korea, nga padayon nga naghatag og kabalaka sa mga silingang nasud sama sa South Korea ug Japan.
