BUTUAN CITY – Gipa-ilalom sa National Grid Corporation of the Philippines kon NGCP sa yellow alert ang grid status sa Mindanao sugod kaganinang ala-1:00 sa hapon hangtud na unyang alas-8:00 sa gabii.
Sigon sa NGCP, aduna sila’y available capacity nga 2,779-megawatt kumpara sa peak demand nga 2,689-megawatt.
Dugang pa sa NGCP, sa pagkakaron adunay 9 ka planta nga ilawom sa forced outage sa karong bulana kansa nagdagan sa derated capacities, alang sa kinatibuk-ang unavailable nga 621.6-megawatt sa grid.
Nasayrang 7 ka planta ang ilawom usab sa forced outage sukad niadtong Hulyo 1, ug tag-usa ka planta sukad niadtong Enero hangtud Hunyo samtang usa ka planta sukad sa 2025, ug 1 planta sukad sa 2024.
Lakip sa mga factors nga maoy hinungdan sa additional Yellow Alert declaration sa Mindanao grid, mao ang maintenance outage niadtong July 28, emergency shutdown sa GNPK 1 tungod sa nag-leak nga boiler tube niadtong Agusto 09 ug taas nga forecasted system demand.
Ang yellow alert i-isyu kung ang operating margin kulang aron matubag ang transmission grid contingency requirement.
