BUTUAN CITY- Sulod na sa 2026 NBA Finals ang New York Knicks human nilang gi-sweep sa 4-0 ang Cleveland Cavaliers sa Eastern Conference Finals. Sa Game 4, nagpakita ang Knicks og dominanteng dula ug gihuman ang serye sa iskor nga 130-93, kupot ang 37-point nga bintaha.
Nag-una si Karl-Anthony Towns na adunay 19 points, 14 rebounds, 2 steals, ug 2 blocks, samtang ming-dugang si Jalen Brunson og 15 points ug 5 assists.
Bisan pa sa 31 points ni Donovan Mitchell, wala na naka-apas ang Cavaliers, ug nalimitahan pa si James Harden sa 12 points.
Kini ang unang higayon nga ang Knicks nakabalik sa Finals human sa 27 ka tuig nga paghulat diin asa katapusang nakasulod niadtong 1999.
Gikoptan sa grupo ang 11-game playoff winning streak karung season, kansa mas nakapalig-on sa ilang kampanya.
Sa pagkakaron, gihuwatan sa Knicks ang modaog sa serye tali sa San Antonio Spurs ug Oklahoma City Thunder aron maka-atbang sa Finals.
