Negosyanteng lalaki, patay sulod sa usa ka inn ka-uban ang usa ka dalaga

BUTUAN CITY – Nagpadayon pa ang imbestigasyon sa kapulisan aron masuta kung aduna bay foul play o wala sa kamatayon sa usa ka negosyanteng lalaki nga senior cetizen human misulod sa usa ka inn pasado alas-2:00 sa hapon kagahapon sa Kinamlutan-Bonbon Diversion Road ka-uban ang usa ka dalaga.

Apan paglabay sa 40-minutos, dako na lang ang kakurat sa staff sa maong inn dihang nagpakitabang na kaniya ang dalagang kauban sa lalaki human matud pa kalit nga nahapla na sa salog nga wala’y saplot ug wala nay panimuot.

Sumala pa, gikan nag-joyride ang duha ug nagdesisyon nga muhapit sa maong inn.

Nagdumili pa ang kapulisan paghatag sa identity sa maong negoyante apan nasayran nga usa ka kini nga retiradong nurse nga taga-Estacio Village ning syudad.