BUTUAN CITY – Gipamugos sa National Bureau of Investigation (NBI) nga responsibilidad sa Senado nga i-atubang si Senador Ronald “Bato” dela Rosa tungod kay ilalom kini sa ilang protective custody.
Sigon ni NBI Director Melvin Matibag, klaro ang tulubagon sa Senado nga ilang ipakita ang magbabalaud kinsa duna’y arrest warrant gikan sa International Criminal Court kon ICC.
Dungan niini, gipadayag ni Matibag nga nagpagawas na og direktiba si Pangulong Ferdinand “Bongbong” Marcos Jr. sa mga ahensya sa gobyerno aron siguraduhong patas ang dagan sa imbestigasyon ug patubagon ang tanang mga indibidwal ng mapamatud-ang duna’y sala sa kagubot sa Senado kagabii.
Dugang pa ni Matibag, kung tinuod nga wala na sulod sa Senado si Dela Rosa, makadismaya kini.
