BUTUAN CITY – Gi-angkon sa National Security Council (NSC) nga posibleng ma-apektuhan ang food security sa Pilipinas tungod sa nagpadayong tensyon sa Middle East, karong anaa na sa ika-upat nga semana ang giyera sa Estados Unidos ug Israel batuk sa Iran.
Sa pagdungog sa Senado kaganina, gipadayag ni NSC Undersecretary Nestor Herico nga ang krisis, naghatod og hulga dili lang sa enerhiya kondili apil na sa suplay sa pagkaon sa tibuok kalibutan.
Sigon ni Herico, ang hulga sa pagkaong nag-ung-ong sa Pilipinas, susama ra sa hulga sa seguridad sa pagkaon sa mga dagkong agricultural nations sama sa India, Brazil ug Thailand.
Gipadayag kini sa opisyal human gikwestyon ni Senador Loren Legarda kung duna pa ba’y mga sektor sa kagamhanan nga wala gi-ila ang posibilidad nga nag-atubang na sa krisis ang nasud.
Nagpasalamat si Legarda sa gipadayag ni Herico tungod kay ang uban, wala pa gidawat ang kamatu-uran nga anaa na sa krisis ang nasud.
Gani gikwestyon niini ang maong mga ahensya sa gobyerno kung unsaon paglihok og pasaps kung okey lang ang sitwasyon karon sa nasud.
