BUTUAN CITY- Malampuson nga napahigyon ang Monday Convocation sa Probinsyal nga Pangagamhanan sa Agusan del Norte diin gipanghatagan og pasidungog ang mga empleyado nga nagpakita og talagsaong performance, dedikasyon, ug pag-alagad sa katawhan. Sa samang higayon, opisyal usab nga gilunsad ang pagsaulog sa National Heritage Month 2026 nga nagdala sa tema “Pagduaw sa Atong Kasugiran” (Rediscovering Our Legends).
Ang maong selebrasyon nagtinguha sa pagpalambo sa kultural nga kahibalo ug pagpasabot sa kadungganan sa kasaysayan, tradisyon, ug lokal nga mga sugilanon kansa naghulma sa identidad sa katawhan sa Agusan del Norte. Gihulagway sa kalihokan ang lain-laing aktibidad sama sa cultural presentations, historical exhibits, storytelling sessions, ug community engagements diin nagpasundayag sa talagsaong panulundon sa probinsya.
Pinaagi niini, gipakita sa probinsyal nga pangagamhanan ang padayon nga komitment sa pagpreserba ug pagpalambo sa lokal nga kultura alang sa umalabot nga henerasyon.
