BUTUAN CITY- Gikomperma sa Miss Grand International Organization ang pagkamatay ni Miss Grand Orlando 2025 titleholder Skarlent Rodríguez sa edad nga 23-anyos, human kini ug ang iyang uyab nga si Jose Castro napalgang wala nay kinabuhi sa nagun-ob nilang apartment sa Catia La Mar, La Guaira tungod sa kusog nga linog nga ming-igo sa Venezuela niadtong miaging adlawa.
Sumala sa mga awtoridad, nakit-an ang patay’ng lawas sa duha human sa pipila ka adlaw nga search and rescue operations.
Mipadayag usab ang Miss Grand International ug Miss Grand Florida sa ilang lawom nga pagbangutan ug pahasubo sa pamilya sa biktima, samtang gihandom si Rodríguez isip usa ka modelo nga nailhan dili lamang sa iyang katahom, kondili usab sa iyang kamaayo, dignidad, ug positibong impluwensya sa kadaghanan.
