BUTUAN CITY– Luwas ug anaa sa maay nga kahimtang na ang tanang mga tripulante sa usa ka oil tanker human kining gitarget sa mga “cruise missiles” gikan sa bansang Iran kagahapon sa buntag.
Luwas nga na vacuate ang mga crew sa barkong Aqua One, usa ka sakyanang pandagat nga gi-rentahan sa QatarEnergy, dihang nahitabo ang insidente sulod mismo sa territorial waters sa Qatar.
Sumala sa mga ulat, tulo ka cruise missiles ang gibuhi-an sa Iran padulong sa barko.
Dali usab nga nakatubag ang Qatari armed forces ug malampuson nga na-intercept ang duha sa mga niini. Bisan paman, usa ka missile ang nakalusot ug ming-igo sa barko kansa nakapahimo og sunog sa above water level sa parte sa sakyan.
Nahitabo ang pag-atake sa may 17 nautical miles sa amihanang bahin sa Ras Laffan Industrial City. Sa kasamtangan, padayon pa nga gisuta sa mga awtoridad ang kinatibuk-ang kantidad ug kadako sa kadaot sa maong barko.
Wala pay opisyal nga pamahayag ang duha ka nasud kalabot sa motibo sa nasangpit nga pag-atake.
