BUTUAN CITY- Upat na ka Minister ang ming-resign ug nanawagan kang Prime Minister Keir Starmer nga mo-resign. Mingresign kagahapong adlaw si Jess Phillips isip Safeguarding Minister ug gipadayag kang Keir Starmer nga “deeds, not words matter” base sa iyang resignation letter.
Ang awtoridad sa Punong Ministro nagkaluya matag minuto ug mas nadugangan pa sa pagbiya ni Phillips. Kahibaluan nga adunay laing duha pa ka ministro ang mingpasa sa ilang resignasyon kagahapong adlawa ug gipaabot nga mas daghan pa ang mosunod, samtang kapin sa 80 ka Labour Members of Parliament ang nanawagan kang Starmer nga mobiya gilayon o magtakda og iskedyul sa iyang paghaw-as.
Samtang kapin sa 100 ka MPs ang misuporta sa Prime Minister pinaagi sa usa ka pamahayag kansa nag-ingon nga “this is no time for a leadership contest.” Sa miting sa gabinete, sigon ni Starmer nga magpadayon kini sa pagdumala ug wala pa’y leadership contest nga nasugdan.
Human sa miting, gipakita sa mga kaalyado sa Prime Minister ang ilang “full support,” apan si Health Secretary Wes Streeting, kinsa giisip nga posibleng mangompitensya sa liderato, wala motubag sa mga pangutana sa mga mamamahayag.
