Mga sundalo nga apil sa ‘Fall of Bataan,’ gisaluduhan ni VP Sara Duterte

BUTUAN CITY – Gisaluduhan ni Vice President Sara Duterte ang pagkabayani sa mga sundalo atol sa paghandom ning adlawa sa ika-84 ka kasumaran sa Araw ng Kagitingan tungod sa Fall of Bataan.

Iyang gipasabot nga ang maong kasa-ulugan usa ka pahinumdom nga ang kagawasan makab-ot pinaagi sa sakripisyo ug kinahanglang panalipdan sa matag-henerasyon.

Iya usab nga gipadayag nga ang tinuod nga ka-isog makita sa lig-ong baruganan aron maprotektahan ang sobereniya sa nasud ug mamintina ang rule of law.

Giklaro usab sa besi presidente nga ang bisan unsa mang pagpanghilabot sa mga langyaw’ng institusyon dinhi sa hustisya sa nasud, usa ka direktang hagit sa kagawasan sa nasud.