BUTUAN CITY – Dili lang puno sa handumanan ang 2026 FIFA World Cup Final tungod sa init nga duwa tali sa Spain ug Argentina, apan tungod usab kay kini ang pinaka-unang halftime show sa World Cup history kondiin 11-minutos nga nag-perform ang mga sikat nga personalidad sa entertainment industry.
Ang singer ng si Madonna maoy nag-abli sa show gamit ang iyang hit nga “Music,” kondiin misulod sa stadium sakay sa dune buggy nga gimanihuan pa sa Brazilian legends nga sila Ronaldo ug Ronaldinho.
Nagpasiga usab sa crowd ang K-pop group nga BTS sa ilang global hit nga “Dynamite” samtang ang Canadian singer nga si Justin Bieber, naghatag og acoustic version sa “Everything Hallelujah,” ug gi-usab ang linya ngadto sa “World Cup Hallelujah.”
Samtang sila Shakira ug Burna Boy maoy mitapos sa show pinaagi sa “Dai Dai” – ang opisyal nga kanta sa 2026 FIFA World Cup.
Apan tungod sa pag-set up ug pag-dismantle sa stage ug kagamitan, ang tibuok halftime break miabot og 27 minutos — mas taas kaysa kasagarang 15 minutos sa football.
Kini nga halftime show nagdala og Super Bowl vibes sa World Cup, ug daghang fans ang nagtan-aw niini nga usa ka turning point sa entertainment side sa football.
