BUTUAN CITY – Tapot-lawas ra nga naghagudhod ang mga residente sa Brgy. Siana, Mainit, Surigao del Norte padulong sa evacuation centers human nasinatian ang mudslides tungod sa pagbuswak sa tailings storage facility sa mining company nga Greenstone Resources Corp pasado alas-5:30 sa hapon.
Gireklamo sa mga namakwit nggrabeng kainit sulod sa mga evacuation centers sa Magpayang Gymnasium ingon man ang Tubod Gymnasium, rason nga gawas sa mga pagkaon, nangapod-apod usab ang lokal nga pangamhanan og mga electric fans. Gawas niini, gipanghatag usab sa maong mga evacuees ang mga ukay-ukay nga sinina.
Sumala usab sa Kapitan sa Barangay Siana, anaa na sa 102 ka mga panimalay ang nadamyos sa maong pagbusikad hinungdan sa mudslide. Kahibaloan nga Naputlan usab sa linya sa kuryente ang maong barangay samtang dunay mga dalan nga nangliki.
Sumala sa sa mining company nga Greenstone Resources Corp. nga gisuspinde na nila ang mining operation aron makahimu sa emergency response activities alang sa kaluwasan sa mga residente.
Sigon ni Brandon Lopez, tigpamaba sa kompanya nga padayon pa gihapon nilan gisuta ang hinungdan sa maong hitabo ilabina kay dugay na nilang wala gigamit ang maong pasilidad. Kini dayung saad sa ilang tabang ngadto sa mga apektadong pamilya.
