BUTUAN CITY – Gibasura ni United States President Donald Trump ang tubag sa Iran sa ilang proposal nga tapuson na ang giyera isip “totally unacceptable.”
Base sa semi-official nga Tasnim news agency sa Iran, ang sugyot nga gipadala ngadto sa Pakistan isip mediator, naglakip sa diha-diha nga pagtapos sa giyera sa tanang fronts, paghunong sa US naval blockade, ug garantiya nga wala nay sunod nga pag-atake batok sa Iran.
Ang ceasefire nga gituyo aron mapadali ang mga negosasyon sa pagtapos sa giyera nga gilunsad sa US ug Israel niadtong Pebrero kasagaran nasunod, bisan pa sa panagsang binayluay og mga pagpamomba.
Madumdumang sa sayong bahin ning semanaha, gisulti ni Trump nga ang giyera sa Iran mahimong mahuman gilayon apan gibutyag ni Israeli Prime Minister Benjamin Netanyahu nga kinahanglan nga kuhaon ang stockpile sa enriched uranium sa Iran sa dili pa ikonsidera nga tapos na ang giyera.
Sigon ni Netanyahu, aduna pa’y mga enrichment sites nga kinahanglan nga i-dismantle.
