17 patay sa panagbangga sa 2 ka tren sa Bangladesh

BUTUAN CITY – Dili mu-ubos  sa 17 ka mga tawo ang patay samtang ubay-ubay ang angol human nagbangga ang duha ka tren sa Bhairab, eastern Bangladesh, mga 80-kilometros ang gilay-on gikan sa amihanang sidlakan sa Dhaka.

Sigon sa usa ka railway official, ang signal error maoy usa sa ilang gilantaw nga hinungdan sa panagbangga.

Katorse ka mga tawong sakay sa de-pasaheruang tren nga ginganlan og Egarsindhur Twilight ang patay on-the-spot sa panagbangga sa Jagannathpur rail crossing hinungdan sa pagtuyok sa tulo ka karwahe nga mibangga sa laing tren samtang laing tulo ang namatay sa ospital ug 50 ang padayon pang gitambalan.

Gitu-uhang musaka pa ang death toll tungod kay nagpadayon pa ang rescue operation.