Mga na-missing pang Pinoy seamen sa Japan padayon pang gipangita

BUTUAN CITY – Padayon pa ang gihimong search and rescue operations sa Japanese coast guard ngadto sa mga sakay sa mitikla-ob nga cargo ship sa kadagatang sakop sa Amami Oshima island sa Japan. 

Naluwas nila ang usa ka 45-anyos nga chief officer sa barko nga si Eduardo Sareno samtang gipangita pa nila ang laing 38. 

Asoy sa nakaluwas, gilayon kining nagsuot og life vest human madungong ang warning sa barko.

Base sa inisyal nga imbestigasyon,  nadaot ang makina sa barko nga gihapak pa sa dagkong bawod hinundan sa pagka-unlod niini.

Apil sa gipangita ang duha ka  New Zealanders ug duha ka Australians ug ang gikargang 5,800 ka mga baka kondiin nagtinabangay na ang tulo ka coast guards vessels , lima ka  eroplano ug special trained drivers.