BUTUAN CITY – Gipahibalo ni United States President Donald Trump nga ang mga lider sa Israel ug Lebanon mag-istorya sa unang higayon ugmang adlawa, human ang 34 ka tuig.
Ang maong pahibalo, gi-post ni Trump sa iyang Truth Social account human n ga ang mga ambasador sa Israel ug Lebanon nagdumala sa ilang unang direktang diplomatikong pakighinabi sulod sa kapin tulo ka dekada sa Washington, DC, diin ang Lebanon nangita og paagi aron matapos ang makadaot nga mga pag-atake sa Israel batok sa nasud.
Wala niya gisulti kung kinsa nga mga lider ang apil sa maong pakighinabi ug wala pa usa’y komento kalabot niini gikan sa Israel o Lebanon.
Ang Lebanon na-apil sa gubat sa US-Israel batok sa Iran niadtong Marso 2, human ang Hezbollah nga kaalyado sa Tehran mipabuto og mga rockets ngadto sa Israel.
