BUTUAN CITY – Gikumpirma ni P/Chief Supt. Noli Romana – regional director sa Police Regional Office kon PRO-13 nga gi-aresto sa ilang mga ginsakupan ang kanhi mayor, treasurer, budget officer, og kasamtangang municipal accountant sa lungsod sa Sta Monica, Surigao del Norte.
Kini base na sa warrant of arrest nga gibitbit sa kapulisan sa maong lungsod. Naila ang mga dinakpan nga sila kanhi Mayor Rosalinda Penera, residente sa Brgy. T. Arlan tungod sa paglapas sa Section 3e sa RA No. 3019 kon Anti-Graft and Corrupt Practices Act.
Ang laing tulo nga gi-aresto tungod sa susamang kremin mao sila Dianette Evangelista, kasamtangang municipal accountant, residente sa Brgy Rizal; Aurea Menil, kanhi municipal treasurer, residente sa Brgy Garcia, og Lei Amor Laplana, kanhi municipal budget officer, og residente sa Brgy Mabuhay, sa susamang lungsod.
Sigon ni Gen. Romana, ilang ipadayon ang pagpalig-on sa ilang kampanya batuk sa mga tawong wanted bisan kinsa pa sila og unsa man ang ilang posisyon sa komunidad. (Lilibeth Ruiz)
