BUTUAN CITY – Gi-andam na sa Department of Social Welfare and Development kon DSWD ang lilbuang mga food packs alang unya sa mga residenteng ma-apektuhan sa bagyong Domeng sa National Capital Region kon NCR.
Bisan og gila-umang dili kini mu-landfall sa kayutaan sa nasud apan pakusgon niini ang mao pay pagsugod sa hanging habagat nga mao unya’y hinungdan sa sunod-sunod nga mga pag-ulan ug mga pagbaha.
Ang maong mga food packs gilangkuban sa balor 49.9-milyunes pisos nga kantidad sa gma relief goods nga maoy milangkob sa kapin 53-mil ka mga family food packs, halos 13-mil ka mga ready-to-eat food boxes ug uban pang mga non-food items.
Apil sa gi-andam ang mga sleeping, medical ug hygiene kits nga maoy ipanghatag sa mga manghikling higayong duna’y baha.
Sa kasamtangan, gikuptan sa DSWD-NCR field office ang gibana-banang tres-milyunes pisos nga standby fund aron magamit higayong duna’y dugang panginahanglanon.
