BUTUAN CITY- Nanawagan ang World Health Organization (WHO) og dali-ang hunong buto sa silangang bahin sa Democratic Republic of the Congo (DRC) aron mapugngan ang mas paspas nga pagkaylap sa Ebola samtang nagpadayon ang armadong panagbangi sa rehiyon.
Sumala ni WHO Director-General Tedros Adhanom Ghebreyesus, grabe ang epekto sa gubat ug sakit sa eastern Congo, diin lisod na matud pa alang sa mga health worker ang paghatag og tabang tungod sa kagubot.
Ang kasamtangang outbreak naggikan sa Bundibugyo strain kansa walay aprubadong bakuna o tambal, ug giila na kini sa WHO isip international health emergency human minglapas sa 900 ang gidudahang apektado sa kaso ug kapin sa 200 na ang namatay sa tulo ka probinsya nga kontrolado sa mga rebeldeng grupo.
Daghanan sa mga biktima mao ang mga bata, samtang ang mga refugee sites sa Uganda napuno na tungod sa daghang namakwit.
