BUTUAN CITY – Bisan og dismayado, apan gidawat na lang sa pipila ka mga delegado gikan sa Department of Education-Tandag City Division ang pagkawat sa ilang cell phone ug salaping cash samtang anaa sa billeting quarters sa Ampayon Central Elementary School sa Brgy. Ampayon ning siyudad sa Butuan.
Kini samtang mitambong sa 2024 Regional Academic and Skills Development kondiin apil sa kompetisyon ang Regional Schools Press Conference kon RSPC, ang Regional Festival of Talents kon RFOT ug ang Regional Science Fair.
Sigon sa usa ka amahan nga nag-escort sa iyang anak nga si Novero Sendrijas, nakurat na lang siya dihang pasado alas-dos kagahapon sa kaadalwon, misinggit na ng ilang ka-uban sa quarter tungod kay wala na ang iyang bag diin gibutang ang iyang cellphone ug ang 10-mil pisos nga cash.
Dinhi na usab niya nasayran nga na usab ang iyang cell phone nga duna’y gi-ipit nga 3-mil pisos apil ang cell phone sa iyang anak nga duna’y gi-ipit nga ua kalibo ka pisos.
Samtang susamang hitabo usab ang nasinatian sa mga delegadong sila Ronnie June Ruiz ug Rose Ann Anotado.
Gikaguol ni Anotado tungod kay ang kapin 2-mil pisos nga kwartang nakawat, pangbayad matud pa sa iyang toga alang sa iyang graduation ug uban pang bayrunon sa ilang eskwelahan.
