BUTUAN CITY- Sa nagpadayon nga vaccination roll out sa dakbayan sa Butuan gikan sa A1 hangtod A4 categories, mu-abot na sa 106,629 ang kinatibuk-ang bakuna nga na-administer na ning syudad kondiin 57,184 ang fully vaccinated na kansa 14 hangtod 15% pa lang gikan sa target nga populasyon nga 370,000. Tungod niini gihatagam og taas nga prayuridad angmga senior citizens.
Sa eksklusibong pakighinabi sa Bombo Radyo Butuan kang Michiko de Jesus, ang tigpamaba sa LGU-Butuan, gibutyag niini nga dako ang ilang pagpasalamat ngadto sa DOH-Caraga nga mihimo o mobile vaccination aron ma-abot ang mga edaran na kaayo nga dili maka-adto sa tukma nilang skedyul sa vaccination posts.
Samtang taliwala nga A4 actegory ang kasamtangan nga target karun sa buhatan nga bakunahan, apan padayon gihapon sila nga nag-cater sa ubang kategorya nga mu-adto sa vaccination post.
Gani padayong ginakab-ot sa vaccination team ang 700 ka tao nga mabakunahan matag-adlaw sa upat ka vaccination areas aron pas-pas nga makuha usab ang tumong nga 70 % herd immunity.
Base sa gipagawas nga advisory gikan sa National IATF, nakalatid niini nga mandato na usab nga magpabakuna ang mga mabdos nga anaa sa 2nd hangtod trimister sa ilang pagsabak.
Kini tungod kay kabahin gihapon sila sa mga dunay immuno compromise taliwala nga dili maisip nga comorbodity ang nasangpit nga grupo.
Tungod niini gibutang sila sa expanded A3 priority group. Mamahimo usab nga magpabakuna ang anaa pa lang sa 1st trimister basta aduna lama’y bit-bit nga clearance gikan sa ilang physician nga magpamatuod nga sensitibo ang ilang pagmabdos.
Apan sumala pa ni de Jesus, pwedi ang tanang bakuna nga ihatag sa mga nagmabdos gawas lamang sa Sputnik V nga gikan sa Gamaleya.
Tungod niini padayon ang pag-awhag sa lokal nga gobyerno ning syudad nga kung mahimo magparehistro na aron mabakunahan.
Gani gipasalamatan usab niini nga taliwa sa mga nakasinati og side effects human nabakunahan, ubay-ubay ang anaa sa maayong kahimtang ug wala pa’y nakitang major side effects ang LGU ingun man ang DOH sa tanang mga nabakunahan na.
