BUTUAN CITY – Gipadayag sa Department of Energy (DOE) nga imposible nang mabalik ngadto sa ₱60 ang presyo sa kada-litro sa krudo ug petrolyo tungod sa mga epekto sa giyera sa Middle East.
Sigon ni Energy Secretary Sharon Garin, tungod kini sa mga structural damages nga usa sa mga epekto sa giyera sa rehiyon ilabina nga wala pa’y klaro kung hangtud kanus-a mahunong ang giyera ug kung unsa kadugay ang paabuton aron mapa-ayo ang naguba nga mga oil-related facilities.
Sigon ni Garin, kung duha ka semana lang unta ,milungtad ang giyera, mas aduna’y posibilidad nga mabalik ang mga kanhi presyo apan gipaniguro ni Garin nga magpadayon ang paghatag sa gobyerno og mga fuel subsidies alang sa mga drivers nga apektado sa taas nga presyo sa mga produktong petrolyo.
Gawas pa kini sa uban pang mga programa nga ilusad aron makuha-kuhaan ang epekto sa taas nga presyo sa krudo diha sa mga motorista sama sa paghatag og mga discounts alang sa mga jeepney drivers nga nga ihatag tulo ngadto sa upat ka mga buwan.
