BUTUAN CITY – Mibati ug sobrang kalipay ang mga nahimong biktima sa linog sa syudad sa Surigao human gibisita ni Pangulong Rodrigo Duterte kagahapong adlawa.
Sa pakighinabi ning sibyahan, gibutyag ni Suzzette Escobido nga nalipay siya sa pagbisita sa Presidente kauban ang mga cabinet secretaries niini aron susihon ang ilang sitwasyon ug tutukan ang paghatag ug hinabang.
Sigon niini nga daw nabati gyud niya nga ‘concern’ ang maong mga opisyal sa gobyerno sa ilang gidangatan.
Nasayran nga dungan sa pagbisita ni Pangulong Duterte kagahapong adlawa, sunod-sunod usab ang pag-abot-abot sa mga hinabang gikan sa kauluhan alang sa mga biktima sa maong linog.
Samtang gibutyag usab ni Department of Social Welfare and Development ( DSWD ) Sec. Judy Taguiwalo nga muabot sa 1.5-bilyon pesos ang gitagana karon sa ilang ahensya aron itabang ngadto sa mga biktima sa linog.
Gani, nakatunol na matud pa sila ug tabang pinasyal sa balor nga 10-mil pesos wala pa’y labot ang tabang pinansyal usab gikan sa opisina ni Pangulong Duterte ngadto sa mga namatyan sa maong kalamidad.
Padayon usab karon ang pagpang-apod-apod ug mga relief goods ngadto sa mga nahimong biktima sa linog.
Sa pagkakarun, miabot na sa 8 ang kumpirmadong patay sa maong linog nga nailang sila:
1.Lorenzo Deguino, 86
2. JM Ariar, 4
3. Wilson Lito, 35
4. Justina Roda, 83
5. Grobert Eludo, 40
6. Wenefreda Bernal
7. Jenelyn Ebale, 5
8. Rommel Tano, 17
