BUTUAN CITY – Gikumpirma ni Senate Secretary ug Clerk of Court Renato Bantug nga nakasubmite na ang tanang mga bangko nga gipadalhan og subpoena sa Senate Impeachment Court ang mga dokumentong gamiton sa pagpadayon sa impeachment trial batuk kang Vice President Sara Duterte.
Unang nagsubmite sa gikinahanglang mga dokumento kagahapon ang Bureau of Internal Revenue kon BIR ug ang Anti-Money Laundering Council kon AMLC.
Sigon ni Bantug, duna’y ubang bangko nga mihangyo og napulo ka adlaw nga extension aron makompleto ang uban pang mga dokumentong gipangayo sa korte.
Alayon niini, ilang ikunsulta sa impeachment court ang maong hangyo karong Lunes aron aprubahan kini apan wala niya gibutyag kung unsa kini nga mga bangko.
Giklaro usab ni Bantog nga wala pa gisusi sa Clerk of Court ang unod sa gisubmiteng mga records tungod sa kadaghan sa mga niini ilabina nga ang ilang trabaho mao lamang ang pagdawat, pag-imbentaryo ug pagberepika lang sa mga kahon ug electronic files nga gisubmite sa matag-institusyon.
Higayong mahuman na ang ilang inventory, hatagan og kopya niini ang prosecution ug defense panels
