BUTUAN CITY – Dako ang pagpasalamat ni Mayor Karissa Fetalvero-Paronia sa lungsod sa Sison, Surigao del Norte nga wala’y nakalas o kaha na-angol sa harassment nga gihimo sa mga rebeldeng New People’s Army kon NPA ngadto sa ilang municipal police station kagahapon sa buntag.
Sigon sa mayor, nagsugod ang buto sa likod sa municipal hall diin sikbit lang ang ilang minteryo ug iyang panimalay rason nga nadungog kaayo ang mga paka-paka sa armas.
Paggawas na unta siya sa ilang panimalay alang sa ubay-ubay nga mga kalihukang nakahan-ay nga himuon nila kahagapong adlawa dihang nadunggan niya ang unang mga buto kansa gipunting sa likod nga bahin sa police station hangtud nga nagbinayluay na og mga bala ang mga rebelde ug ang kapulisan nga gitabangan na usab sa kasundaluhan.
Human sa mga buto-buto, dinhi na niya nasayran nga nag-iyahay na pagpanago ang mga empleyado sa munisipyo ingon man ang ilang mga midalikyat nga constituents tungod sa kalisang.
Tungod sa maong hitabo, nalangay na hinuon ang pagpanghatag unta sa ayuda ngadto sa mga senior citizens gikan sa ilang Municipal Social Welfare and Development kon MSWD kagahapon sa buntag tungod kay gisiguro man ang pagpatago kanila alang sa ilang kaluwasan.
Gipasabot usab sa mayor nga ang nag-viral nga mga nakaplastar nga lamisa, didto kini sulod sa ilang municipal gym alang unta sa himuong kasalan ng bayan kagahapon hapon nga nalawgaw tungod sa insidentea nga gipadayon gihapon.
Bisan pa man, giklaro sa mayor nga magpadayon ang ilang mga kalihukan alang sa katawhan.
