BUTUAN CITY – Gipa-imbestigahan sa National Bureau of Investigation (NBI) pinaagi sa gipagawas nga administrative order dili lang si Davao City Mayor Sebastian “Baste” Duterte kondili apil na sa tanang indibidwal nga nagbahad sa kinabuhi sa First Family ug sa gobyerno.
Sigon ni NBI Director Melvin Matibag, wala lang gitutok sa usa ka tawo ang kamanduan kondili sa tanang nagbahad sa gobyerno.
Na-timing lamang nga nadungan matud pa kini sa pamahayag ni Mayor Baste Duterte, rason nga duna’y sayop nga pagtuo nga siya lang ang gi-iimbestigahan.
Pamugos sa NBI, cover sa imbestigasyon ang social media accounts sa pipila ka mga personalidad nga nagbahad sa Pangulo ug uban pang mga opisyal.
Una nang gikumpirma sa NBI nga gisusi na nila ang pamahayag ni Mayor Duterte batuk kang Pangulong Ferdinand “Bongbong” Marcos Jr., human ang panawagan sa Malacañang nga imbestigahan ang mga bahad ug gika-ingong plano batuk sa pangulo nga na-utingkay usab sa pagdungog sa Kamara kondiin gibulgar sa testigong si Ramil Madriaga, ang self-confessed bagman matud pa ni Vice President Sara Duterte, nga duna’y panag-istorya ang mga kanhi opisyal ug retired generals kalabot sa planong pagpalagpot ug bahad sa pagpapatay sa pangulo.
