BUTUAN CITY – Magtinabangay ang sikat nga singer nga si Billie Eilish ug ang sikat nga filmmaker nga si James Cameron paghimo og bag-ong 3D concert movie nga nagdokumento sa iyang mga concert sa Manchester ning mi-aging tuig.
Si Cameron, nga nailhan sa mga pelikulang Titanic ug Avatar, nag-film kang Billie Eilish sulod sa upat ka gabii sa Co-op Live atol sa iyang Hit Me Hard And Soft World Tour — ang pinakadako niyang concert tour hangtod karon.
Ang resulta sa pelikula gihulagway nga makapahinam ug puno sa emosyon, ug usa usab ka espesyal nga tribute alang sa iyang mga fans nga grabe kaayo ang suporta ug kasagaran makahilak sa iyang concerts.
Sigon si Eilish, ang iyang mga fans sa Manchester usa sa iyang paboritong audience.
Daghan sa maong mga fans mibyahe paingon sa London alang sa blue-carpet premiere niadtong Martes, diin nagtambay sila sa mga bintana ug balkon sa Leicester Square aron lang makakita kaniya.
