BUTUAN CITY- Minghangyo sa Quezon City court si Atty. Manases Carpio, bana ni Vice President Sara Duterte, nga ipawalay-bili ang subpoena nga gi-isyu alang sa iyang yearly Income Tax Returns kon ITRs.
Ang subpoena gipagawas sa House Committee on Justice isip parte sa imbestigasyon niini kung adunay igo nga absehan alang sa posibleng impeachment case batok kang VP Sara. Gimandoan niini ang Bureau of Internal Revenue kon BIR nga isumite ang ITRs sa magti-ayong Duterte-Carpio gikan tuig 2007 hangtud tuig 2025. Pag-insistar ni Carpio, dili kini lakip sa maong hearing tungod dili kini kabahin sa kaso, mao nga wala matud pat hurisdiksyon ang komite niini.
Dugang pa ni Carpio, ang tax returns gi-ila nga private ug dili pwede nga ipagawas kung walay pagtugot sa taxpayer. Samtang sumala ni Bicol Saro Rep. Terry Ridon, adunay gahom ang House committee nga mangayo og mga dokumentong adunay kalabotan sa ilang imbestigasyon aron masuta kung adunay igo nga basehan alang sa impeachment proceedings. Pag-insistar pa sa magbabalaod, dili matud pa pwedeng i-sisitar ang privacy kung ang hisgutan parte sa constitutional authority sa Kongreso sa impeachment investigations.
