BUTUAN CITY – Migradwar karon nga topnotcher sa Philippine National Police Academy kon PNPA graduating class si Police Cadet Ma. Camille Cabasis gikan sa 233 ka mga graduates sa PNPA Layag-Diwa Class of 2024.
Misikat siya karon human nasayran nga nagtrabaho siya sa usa ka photocopy center ug namaligya pa og siopao sa eskwelahan aron lang duna’y magasto sa iyang pagtungha.
Usa na siya ka achiever tungod kay mi-graduate siya nga cum laude sa Batangas State University sa degree nga criminology.
Mipasar siya sa board exam niadtong tuig 2019 ug nahimong topnotcher alang sa Calamba, Laguna, Batangas, Rizal ug Quezon kon CALABARZON region.
Karong adlawa, iyang dawaton ang Presidential Kampilan award atol sa 45th PNPA Commencement Exercises kondiin si Pangulong Ferdinand Marcos Jr. ang guest of honor.
Gibalik-lantaw ni. Cabasis ang iyang pagtrabaho isip usa ka working student sa kolehiyo kondiin nagtrabaho siya isip usa ka photocopy center attendant, bugti sa sweldo nga P25 matag-oras.
