BUTUAN CITY- Padayon pa ang imbestigasyon sa mga kapulisan sa San Francisco Agusan del Sur mahitungod sa pagpanglungkab nga nadeskobre kaganihang alas 9 sa buntag, Hunyo 13, sa usa ka mall sa maong municipalidad, asa gi buslutan sa mga wala pa mailhing suspetyado ang pader niini.
Sa eksklusibong pakighinabi sa Bombo Radyo Butuan kang Police Lieutenant Colonel Nathaniel Agatep, hepe sa San Francisco Municipal Police Station nga anaa sa 30 inches in diameter ang bangag sa nahisgutang pader, igo lang aron nga masibo ang lawas sa usa ka tawo.
Dugang niini nga tulo lang matud pa kabook ang gwardya nga naka duty sa maong mall kada gabie, ug anaa lamang kini sila sa gawas, rason nga wala na nila namatikdan ang mga kalihukan sa sulod sa maong building, kamulo pa usab ug trace ang mga otoridad sa mga CCTV nga nakabutang sa mga palibot sa mall, sanglit dile man manggana ang mga CCTV nga naka tutok sa lugar-nahitabuan.
Atul sa maong panghitabo, nalungkab ang usa ka ATM machine ingon man ang usa ka Jewelry shop nga anaa sa 40 ngadto 50 metros pa ang gilay-on gikan sa pader nga gi bangagan sa mga suspetsyado, sa kasamtangan, wala pa usab matino sa mga kapulisan ang insaktong ihap sa mga kwarta nga nakawat. Alayon nakig kooperar na usab ang tag-iysa sa nalungkab nga shop ngadto sa mga kapulisan alang sa mas pinadali nga imbistigasyon.
