BUTUAN CITY – Gikumpirma sa Malacañang nga mutuman sila sa mando sa Korte Suprema nga maghatag og komento sa petisyon nga naghangyo nga ipa-medical exam si Pangulong Ferdinand Marcos Jr ug ipa- hair follicle drug test.
Sumala ni Palace Press Officer Usec Claire Castro, magsubmite ang Malacañang sa ilang tubag tungod kay direktiba kini sa Korte Suprema. Apan wala pa siya naghatag og detalye unsay sulod sa ilang komento hangtod dili pa kini masubmite sa korte.
Ang petisyon gisang-at ni Atty Pantaleon Alvarez uban sa ubang petitioners aron ipa-physical exam ang presidente ug ipagawas sa publiko ang resulta aron mapakita nga kaya pa niya ang iyang trabaho isip pangulo.
Gihatagan sa Korte Suprema og 10 ka adlaw ang mga respondents gikan sa pagdawat sa pahibalo aron magsumite sa ilang komento.
