BUTUAN CITY – Mamahimong makadawat ang mga maguuma sa Caraga Region nga apektado sa kalamidad, ug 25-mil pesos nga loan package gikan sa Department of Agriculture kon DA-Caraga.
Ang Survival and Recovery kon SURE Loan Package sa buhatan, gitagana sa mga mag-uuma nga apektado sa nakalabay nga daot nga panahon, sama sa Bagyong Auring ug Tail-end of the cold front.
Nagkantidad kini ug 25-mil pesos ug bayaran sa mga benipisyaryo sulod sa tulo ka tuig.
Kinahanglan lang nga magsubmite ang mag-uuma ug papeles nga magpamatood nga nagdeklara ang ilang lokal nga kagamhanan ug state of calamity tungod sa damyos ngadto sa agrikultura ug imprastraktura.
Nasayrang daghang mga munisipalidad sa Agusan del Norte ug Agusan Del Sur ang nagdeklara ug state of calamity tungod sa damyos nga hatud sa daot nga panahon, ilabina ngadto sa mga umahan ug basakan.
