BUTUAN CITY – Padayon karun ang gihimong 12 million signature campaign sa United Senior Citizen Partylist nga giuluhang 12 milyong lagda para sa matatanda, universal social pension ngayon na.
Sigon ni Miko Magsaysay, tigpamaba sa United Senior Citizen Partylist nga inisyatiba kini sa committee on Senior Citizen sa House of Representatives diin ang chairman mao si United Senior Citizen Partylist Representative Mila Aquino Magsaysay.
Tumong niini ang panawagan sa hinanaling pagpalabang sa balaodnon nga Universal Social Pension Act nga 10 ka tuig nang giduso sa maong kongresista.
Pasabot pa ni Magsaysay nga sa kasamtangang balaod nga Republic Act 9994, ang makadawat lang og pension nga usa ka libo ka pesos matag bulan kadto lang mga senior citizen nga indigent nga miabot lang sa 4 milyones samtang ang katibuk-ang ihap sa mga senior citizen anaa sa 12 milyones.
Ugaling hingpit matud pa kining mahimong balaod, lauman nga apil na ang 8 milyones ka senior citizen ang makawat bisan og duna na silay pension gikan sa SSS ug GSIS.
