BUTUAN CITY – Subay sa paghandom sa kalag-kalag, gipangunahan ni Police Regional Office kon PRO-13 regional director Chief Supt Gilberto DC Cruz, ang paghatag og desenteng lubong sa kalabera sa magti-ayong lumad nga gipatay sa mga rebeldeng NPA niadto pang 1990s.
Hingpit nang natumod sa ilang desenteng lubnganan kagahapon sa alas-9:30 sa buntag didto sa kabukiran sa Brgy. Lawan Lawan, lungsod sa Las Nieves, Agusan del Norte sila Datu Balaw Manhumusay Magwanta og iyang asawang si Bae Seing Magwanta.
Iya usab nga gibistahan ang haya ni Roldan Mansamahan, usa ka lumad nga CAFGU member kinsa gipatay usab sa mga rebelde niadtong Oktobre 28.
Gibutyag sa opisyal nga ang pagpatay sa maong mga lumad usa ka klarong paglapas sa tawhanong katungod nga binuhatan matud pa sa mga rebeldeng nagpaka-aron ingnong tigpanalipod sa mga tawo.
Nagpadayon karon ang imbestigasyon aron ma-ilhan ang mga responsable sa mga pagpamusil og mapasakaan sila og kaso sa ingon mahatagan og hustisya ang nadangatan sa mga biktima.
Nanawagan usab si General Cruz ngadto sa tanang nagpabilin pa sa terorismong kalihukan nga mutahan na og bitbiton ang ilang mga armas aron mahimong benepisyaryo sa Enhanced Comprehensive Local Integration Program kon ECLIP. (Beth Ruiz)
