BUTUAN CITY – Padayon karung gi-imbestigahan ang ngil-ngig nga pagpangdunggab-patay ngadto sa mag-live-in partner nga pulos senior citizen bandang alas 9:05 sa gabii, Abril 11, 2026 sa Purok 7 Sitio Nocot Barangay Casa, lungsod sa Carascal, Surigao del Sur.
Naka-angkon og daghang dinunggaban sa lawas ang mga biktimang sila Sergio Lucero Jacoma 76-anyos ug Emelita Suazo Pantano 72-anyos nga parehong residente sa maong dapit.
Base sa impormasyong nakuha ning sibyahan, kalit lang misulod sa panimalay sa mga biktima ang wala pa mailang suspek og gipang-dunggab ang mga biktima adiser misibat ang suspek.
Nadala pa ang mga biktima sa Carascal Primary Hospital apan nakabsan gihapon kini sa hinulamang kinabuhi.
Sa karun, padayon pa ang kapulisan sa pag-ila sa suspetsado og pagsikop niini aron mahatagan og hustisya ang nadangatan sa duha ka senior citizen samtang nanawagan og kooperasyon sa katawhan.
