BUTUAN CITY- Pormal nang gipa-impeach ang nahimong resulta sa gihimong pagbotohay sa mga Senators sa House of Representative batok sa Impeachment Case kang Vice President Sara Duterte kung asa mingresulta sa 255 ka Yes, 26 ka No, ug 9 ang nag-abstain.
Sumala ni Atty. James Reserva, usa ka legal expert, nga ang maong desisyon resulta sa diskresyon sa matag kongresista ug nagrepresentar sa tingog sa ilang mga katawhan. Gipunting usab nini, nga ang baruganan sa mga representante usa ka repleksyon sa kabubut-on sa publiko nga mahimong makita sa umaabot nga piniliay.
Dugang pa, gipadayag usab ni Atty. Reserva ang iyang dakong garbo sa gihimong desisyon ni Agusan del Norte Congressman Dale Corvera tungod sa pagpaminaw sa tingog sa iyang mga constituents, diin iyang gipakita ang lig-on nga baruganan bisan pa sa kalisod sa politika.
