BUTUAN CITY- Nagpaayo na usa sa mga pribadong ospital ning syudad Butuan ang usa ka mag-uuma human gipusil sa mga suspek nga misulay og tulis kaniya alas 10:04 kagabie sa may P-17, Brgy. Los Angeles, ning syudad.
Naila ang ang biktima nga si Mc Gyver Bucayon Fernandez, 32-anyos , minyo, ug residente sa nasangpit nga lugar.
Sumala sa report sa kapulisan,samtang nagtambay ang biktima sa waiting shed duol sa iyang panimalay samtang naggunit sa iyang selpon kalit lamang matod pa nga adunay tulo ka lalaking nakamotorsiklo ang miduol ug nagpasumangil nga nangutana.
Dinhi kalit matod pa gibira sa usa sa mga suspeks ang selpon ni Fernandez.
Nag-inlugay ang mga niini human nagdumili si Fernadez sa paghatag sa iyang cellphone, dinhi na usab mibunot sa wala pa matinong armas ang usa sa mga suspek ug gipusil ang biktima resulta sa pagka-igo niini sa iyahang tiyan ug nailog ang selpon.
Daling misibat ang mga suspek human sa hitabo sakay sa motosiklo padulong sa direksyon sa lungsod sa RTR, Agusan del Norte samtang narekober sa crime scene ang usa ka (1) basiyo sa bala.
Padayon pa usab gipakisayran sa kapulisan ang identity sa mga suspek.
