BUTUAN CITY- Gikustudiya karun sa Philippine Drug Enforcement Agency kon PDEA-Caraga ang maglive-in partner human nasikop sa buybust operation kagahapon sa alas 5:00 sa hapon sa bus terminal sa Barangay fort poyohon, Butuan City.
Naila ang mga suspetsado nga sila Dhariy Ybañez, 31-anyos ug Shiela Grace Saramosing, 30-anyos parehong residente sa Barangay Banza ning siyudad ug dunay 4 ka mga anak sulod sa 11 ka tuig na nga panag uban.
Nakumpiska gikan mismo sa suspetsado atol sa maong operation ang 10 ka dagkong sachets sa gidudahang shabu; 3 ka tinood nga tag-One Thousand bill; 297 ka boodle money nga tag-One Thousand peso bill; 2 unit sa cellphone ug 1 unit sa single motor.
Sa eksklusibong pakighinabi ning sibyahan sa asawang si Shiela Grace, gibutyag niining wala matud pa siya kasayud sa trsansaksyon sa iyang bana tungod kay sa sinugdanan pa lang, gipasidan-an na matud pa siya sa iyang ginikanan nga pamatikdan ang iyang bana tungod kay duna matud pa kini lahi nga lihok.
Sa kabahinan usab sa suspek nga si Dhariy Ybañez, gi-angkon niini nga mugamit matud pa siya panagsa sa maong ginadiling drugas apan wala matud pa siya namaligya ug igo lang matud pa siyang gisugo niadtong panahona og wala siya masayud nga ingun niadto ang iyang dangatan. Sumala pa niini, gi-transak lang matud pa siya sa maong nagpalit sa druga hinugdan sa iyang pagkasikop.
Sa kasamtangan wala pa hisayri ang kinatibuk-ang kantidad sa nakuhang drugas gikan sa mga suspetsado.
