BUTUAN CITY- Nagbangutan ug gikasubo sa bagang katawhan sa nasud ang pagtaliwan sa usa ka Palarong Pambansa MVP ug Basketball Pride sa Agusan del Sur nga si Rene Clert “Bobet” Baterbonia.
Sa exklusibong pakighinabi sa Bombo Radyo Butuan kang Coach Jess Evangelio sa Ateneo de Davao University Senior High School ug coach ingon man higala ni late Rene, gipadayag niini, nga si Rene usa ka talagsaon nga atleta dili lang sa iyang height apan labi na ang iyang maayong batasan ug pagka-mapaubsanon.
Sumala ni Evangelio nga sukad pa sa Grade 11 hangtod sa Grade 12, nakita niini ang kusog nga determinasyon ni Rene nga dili magpapildi ug ang iyang pagkabuotan nga mao’y hinungdan sa dagkong kalampusan sa basketball. Sigon pa niini, nga una nilang nadiskobrehan ang abilidad ni Rene sa Governors Cup sa Agusan ug dali kining gikuha sa Ateneo tungod ila matud pang nakita ang missing piece sa team—usa ka player nga dili lang hilig sa basketball apan kugihan usab sa pag-eskwela.
Gipasalamatan ug gipangayo ni Evangelio ang padayon nga suporta ug pag-ampo alang sa pamilya Baterbonia ug sa Davao Eagles, nga karon nag-atubang sa dakong kasakit, gani iya pang gi-ila si Rene nga “one of one, walay katulad,” tungod sa iyang attitude, willingness to win, ug pagkahamble nga nagpabilin bisan sa dagkong kalamposan.
Kahinumduman nalumos-patay si Rene Baterbonia ug ang iyang kaubanan nga si Divine Adili atol sa usa ka team building kauban ang Ateneo Blue Eagles sa Dipaculao, Aurora niadtong Hunyo 8, 2026.
