BUTUAN CITY- Kalit nga mingsaka ang presyo sa krudo human sa taho nga gipaulanan og bala ug gisakmit sa US Navy ang usa ka Iranian-flagged cargo ship sa Gulf of Oman, kansa mingsulay matud pa nga molikay sa naval blockade.
Mingbahad matud pa ang Iran og dali-ang pagbalos sa insidente, nga gitawag niinig “armed piracy,” samtang padayon ang tensyon tali sa US ug Iran sa rehiyon.
Tungod niini, na-apektuhan ang suplay sa Strait of Hormuz, usa ka importanteng agi-anan sa lana sa lalibotan nga nakapahimo sa pagsaka sa presyo sa US crude og $87.90 matag bariles ug Brent crude sa $95.64.
Una na nga nahagsa ang presyo human minglaon ang merkado sa posibleng pagbukas sa ruta, apan nabaliktada kini sa laeng eskalasyon sa panagbangi.
Taliwa sa krisis, nagpabiling huyang ang hisgutanang pangkalinaw samtang mingbalibad ang Iran sa laing talks sa Pakistan tungod sa padayom nga blockade sa US
